నాచారంలోని స్టేట్ ఫుడ్ లాబొరేటరీ ప్రాంగణంలో రూ. 2.4 కోట్ల విలువ చేసే 4 మొబైల్ ఫుడ్ టెస్టింగ్ బస్సులు, రూ. 10 కోట్లతో అత్యాధునిక పరికరాలతో అప్ గ్రేడ్ చేసిన ఫుడ్ టెస్టింగ్ ల్యాబ్ ను ప్రారంభించిన ఆర్థిక, వైద్యారోగ్య శాఖ మంత్రి హరీశ్ రావు. కార్యక్రమంలో పాల్గొన్న ఉప్పల్ ఎమ్మెల్యే సుభాష్ రెడ్డి, హెల్త్ సెక్రెటరీ రిజ్వీ, ఐపీఎం డైరెక్టర్ శంకర్, స్థానిక కార్పొరేర్లు, అధికారులు..
బెవరేజేస్, మిల్క్, చిరు ధాన్యాల ఉత్పత్తులు, నూనెలు, మసాల దినుసులు, స్వీట్స్, రెడీ మేడ్ ఫుడ్, ఇతర విభాగాల ల్యాబులను మంత్రి పరిశీలించారు. పరీక్షల విధానం, కల్తీ జరిగే తీరు పట్ల అధికారులను అడిగి తెల్సుకున్నారు. అనంతరం సంబంధిత అధికారులతో సమీక్ష నిర్వహించారు. కోట్లాది మంది ప్రజల ఆరోగ్యం మన చేతుల్లో ఉందనీ ఈ సందర్భంగా మంత్రి అన్నారు. కల్తీకి పాల్పడే వారి పట్ల అవసరమైన చర్యలు తీసుకోవాలని అన్నారు. ప్రజలకు నాణ్యమైన అహర పదార్థాలు అందేలా చేయడంలో ప్రభుత్వం నుండి అన్ని రకాల సహకారం ఉంటుందన్నారు. ముఖ్యమంత్రి కేసీఆర్ దృష్టికి తీసుకువెళ్లి సమస్యలు పరిష్కరించేలా కృషి చేస్తా అన్నారు. ఫుడ్ సేఫ్టీ అధికారులు చిత్తశుద్దితో పని చేయాలని మంత్రి అన్నారు. కల్తీకి పాల్పడిన వారి పట్ల అధికారులు కటినంగా వ్యవహరించాలన్నారు. అధికారులు నెలవారీ రిపోర్టులు సిద్దం చేసి పంపించాలని సమీక్షలో మంత్రి ఆదేశించారు.
No comments:
Post a Comment